Java Verilən Tipləri (Data types)

1. Primitiv Verilən Tipləri

Primitiv verilən tipləri Java dilində ən əsas verilən tipləridir və bunlar Java dilində əvvəlcədən təyin olunmuşdur. Bu tiplər yaddaşda kiçik yer tutur və olduqca sürətlidir. Java dilində 8 əsas primitiv verilən tipi mövcuddur:

• byte: yaddaşda 8 bit yer tutur. Tam ədəd saxlayır. Qiymət aralığı: -128-dən 127-yə qədər.
• short: yaddaşda 16 bit yer tutur. Tam ədəd saxlayır. Qiymət aralığı: -32,768-dən 32,767-yə qədər.
• int: yaddaşda 32 bit yer tutur. Ən çox istifadə olunan tam ədəd tipidir. Qiymət aralığı: -2^31-dən 2^31-1-ə qədər.
• long: yaddaşda 64 bit yer tutur. Tam ədəd saxlayır. Qiymət aralığı: -2^63-dən 2^63-1-ə qədər.
• float: yaddaşda 32 bit yer tutur. Daha az dəqiqlik tələb edən kəsrli rəqəmlər üçün istifadə olunur.
• double: yaddaşda 64 bit yer tutur. Daha çox dəqiqlik tələb edən kəsrli rəqəmlər üçün istifadə olunur.
• char: yaddaşda 16 bit yer tutur. Unicode simvolu saxlayır. Yalnız bir simvol (məsələn, 'a', '1', '$') saxlayır.
• boolean: yaddaşda 1 bit yer tutur. Yalnız iki mümkün dəyərdən birini saxlayır: true və ya false. Məntiqi əməliyyatlarda istifadə olunur.

2. Obyekt Əsaslı (Referans) Verilən Tipləri

Obyekt əsaslı verilən tipləri Java sinifləri vasitəsilə yaradılır və mürəkkəb məlumat strukturlarını saxlamaq üçün istifadə olunur. Bu tiplər yaddaşda çox daha böyük yerləri tutur və primitiv tiplərə nisbətən daha yavaşdır.

1. String: Simvollar ardıcıllığını saxlamaq üçün istifadə olunur. Məsələn, "Hello, World!".
2. Arrays: Bir neçə eyni tipli dəyərlərin sıralı toplusunu saxlamaq üçün istifadə olunur. Məsələn, int[] numbers = {1, 2, 3, 4, 5};.
3. Classes və Objects: Java obyekt əsaslı bir dildir, yəni verilənlər tipini siniflər vasitəsilə müəyyən edib obyektlər yarada bilərik. Məsələn, Person p = new Person(); burada p, Person sinifinin bir obyektdir.